Paket çaylardan istifadə edənlərin nəzərinə: içərisində təhlükəli maddə var
Ölkə.Az Türkiyə mətbuatına istinadla xəbər verir ki, Yalova Universitetinin Tibb Fakültəsinin Dekanı Prof. Dr. Vefik Arıcabu cür çayların kanserogen təsirə malik olduğunu və sonsuzluq təhlükəsini diqqətə çatdırıb.Onun sözlərinə görə, bəzi çay paketlərində qaynar su ilə təmasdan sonra epiklorohidrin adlı maddənin meydana gəlir.
Bu maddənin kanserogen təsirə malik olduğunu və immunitet sistemini aşağı saldığını izah edən Arıca sözlərinə belə davam edib:
“Ən əsası sonsuzluğa səbəb olan bir maddədir. Xüsusilə çay paketlərində qaynar su ilə təmasdan sonra əmələ gələn epiklorohidrin bədəndə yayılır. Qısa və orta müddətdə müəyyən zərər verə bilər”.
Paket çayların kağızının bitki liflərindən hazırlanmasının sağlamlığa ziyanı yoxdur.Lakin təəssüf ki, bəzi çay istehsalçıları çay paketlərinin qablaşdırılmasını ucuzlaşdırmaq üçün süni kimyəvi maddələrdən istifadə edə bilərlər.
Məhz, çay paketinin üzərinə qaynar su töküləndə suyun rəngi dərhal çıxır. Unutmaq olmaz ki, bu çayın tərkibində boya var. Belə çaylardan istifadə insan sağlamlığına mənfi təsir göstərə bilər. Buna görə də etibarlı markaların çay paketlərini istehlak etmək daha yaxşı olardı.
“Paket çaylardan maksimum uzaq durmalıyıq. Xüsusilə piramida formalı çay paketlərinin plastikdən hazırlanma ehtimalı yüksəkdir. Təbii liflərdən və ya banan yarpaqlarından hazırlanan çay paketləri təbii və orqanikdirsə içmək olar”.
Billurə
