Keçmiş separatçı liderlər artıq Ermənistandadır?

Qarabağdakı separatçı rejimin üç keçmiş lideri Arkadi Qukasyan, Bako Saakyan və Arayik Arutyunyanın oktyabrın 1-də Ermənistana getdiyi bildirilir.

Ölkə.Az xəbər verir ki, bu barədə erməni mənbələri yazır.

Söylənilir ki, qeyri-qanuni rejimin sonuncu rəhbəri Samvel Şahramanyan ölən və itkin düşənlərin qalıqlarının tapılması üçün axtarış-xilasetmə işləri başa çatana qədər Qarabağda qalacaq.

Musavat.com isə mənbələrinə əsasən yazır ki, bu simalar Xankəndi və ətraf bölgələrin mərkəzi hakimiyyətin problemsiz nəzarəti altına keçməsi, silahlı dəstələrin tərkisilah olunması və ən əsası, Ruben Vardanyanın və daha 3 "generalın" həbs olunması prosesində Bakı ilə gizli əməkdaşılıq ediblər.

"Caliber" isə yayılan məlumatlara "guya" reaksiyası verməklə kifayətlənib.

“Aravot” qəzetinin jurnalisti Nelli Qriqoryan isə onların Ermənistana getməsini ilə bağlı məlumatı təkzib edib.

Qeyd edək ki, bununla bağlı rəsmi informasiya yoxdur.

Ölkə.Az