Ermənistan hoqqabazlıqla məşğuldur – Elman Nəsirov

Azərbaycan öz ərazi bütövlüyünü və suverenliyini təmin etsə də, ermənilər və Ermənistan öz xislətinə uyğun addımlar atıb müxtəlif hoqqabazlıqla məşğuldur.

“Ölkə.Az” xəbər verir ki, bunu deputat Elman Nəsirov parlamentin plenar iclasında deyib.
Onun sözlərinə görə, cürbəcür hoqqabazlığa əl atan ermənilər indi beynəlxalq məhkəmlərə üz tuturlar. “Guya Azərbaycan Qarabağda olan ermənilərə təzyiq və təqib edib”, - o deyib.
Deputat onu da əlavə edib ki, Ermənistanın Qarabağdan erməniləri sürətlə çıxarmaqda digər məqsədi  Rusiyaya qarşı öz məkrli niyyətidir: “Ermənilər bəyan edəcəklər ki, Qarabağda erməni olmadığında rus sülhməramlısının və ya hərbçisinin orada nə işi var? Bu heç də Azərbaycanı düşünməkdən irəli gəlmir. İrəvan bundan istifadə edib Ermənistandakı 102-ci rus hərbi bazasının çıxarılması, daha sonra isə KTMT-dən çıxmaq planını güdür”, - o qeyd edib.

Mürtəza
Ölkə.Az