Gündə iki qaynadılmış yumurta yeməyin inanılmaz faydaları

 

Ölkə.Az xəbər verir ki, mütəxəssislərin apardığı son araşdırma gündə 2 yumurta yeməyin heç bir reaksiya təsiri olmayan insanlara çox maraqlı faydalar verdiyini göstərir.

 

Belə ki, sağlam beyin yüksək miqdarda xolin (Xolin - beyin damarlarının sağlamlığını qoruyur. Bu da insultun profilaktikasında böyük rol oynayır) tələb edir. Lakin müxtəlif səbəblərdən bu vitamin təsirini göstərən maddə azalır. Bu da müxtəlif xəstəliklərə yol açır. Yumurta xolin maddəsi baxımından ən zəngin qidalardan biridir. 

 

Gündə iki yumurta beynin ehtiyac duyduğu xolin maddəsini qarşılayaraq unutqanlıq və erkən demensiya (əqli qabiliyyətin pisləşməsi) kimi xəstəliklərin qarşısını alır.

 

Gözün makula degenerasiyasında (sarı ləkə) lutein maddəsinin azalması aydın görmə itkisinə səbəb olur. Bu çatışmazlıq həm də göz xəstəliklərinə yol açır. Mütəxəssislər geri qaytarılması çətin olan göz xəstəliklərinin qarşısını almaq üçün yerkökü kimi qidalarla yanaşı, luteinlə zəngin olan yumurtanın da istehlak edilməsi lazım olduğunu vurğulayırlar.

 

Son araşdırmalar gündə iki qaynadılmış yumurtanın D vitaminini də təmin etdiyini ortaya qoyub. 

 

Qaraciyərin toksikliyi dəri və saça ciddi ziyan vurur. Bu vəziyyətin qarşısını almaq üçün qaraciyər toksinlərdən təmizlənməlidir. Mütəxəssislər bildirirlər ki, yumurtanın tərkibindəki fosfolipidlər sayəsində qaraciyərlə yanaşı orqanizmdəki bütün toksinlər də təmizlənəcək. Gündə iki yumurta dərinin dermis qatını yenilədiyi üçün yaşlanmanı da gecikdirir.

 

Pis xolesterol səviyyələri damarlarda yağ yığılmasını artırır, infarkt, insult və yüksək təzyiq kimi xəstəliklərin riskini artırır. Bu yağları və xolesterolu azaldan ən təsirli maddə omeqa-3 yağ turşularıdır. Yumurtalar da yağ turşuları ilə zəngin olduğu üçün gündə 2 yumurta istehlak etmək bu riskləri azaldır.