Xaçmazda yol qəzasında 3 nəfər xəsarət alıb

Xaçmaz-Niyazoba kənd yolunda qəza baş verib.

"Ölkə.az" APA-ya istinadla xəbər verir ki, Xaçmaz rayonunun Güləlan kəndi ərazisində "VAZ-2106" və "Daewoo” markalı avtomobillər toqquşub. Nəticədə rayon sakinləri Vüqar Məmmədov, Mahir Paşayev və Vüsal Sadıqov xəsarət alıblar. Onlara Xaçmaz rayon Mərkəzi Xəstəxanasında tibbi yardım göstərilib.

Faktla bağlı araşdırma aparılır.