Paşinyanın müəmmalı qərarı: Moskva qəti qarşı idi – SENSASİON TƏFSİLAT
Necə oldu ki, “Roma Əsasnaməsi”nin ratifikasiyasından bir neçə saat sonra Kristina Qriqoryanı Xarici Kəşfiyyat Xidmətinin rəhbəri təyin etdi. Onun təyinatı erməni cəmiyyətində ciddi rezonansa səbəb olub.
6 ay bundan öncə təyin edilməsi planlaşdırılan və naməlum səbəblərdən təxirə salınan bir qərar oktyabrın 4-də Ermənistan parlamentinin “Roma Əsasnaməsi”nin ratifikasiyasından dərhal sonra reallaşdı.
“Ölkə.Az” “hraparak”a istinadən xəbər verir ki, rəsmi Moskva bu təyinatın əleyhinə idi: “Çünki heç bir güc strukturunda işləməmiş Qriqoryanın təyinatının onlarda şübhələr yaratması ilə bağlı idi. Moskva hesab edir ki, bu strukturun yaradılması Böyük Britaniyanın gizli kəşfiyyatının rəhbəri, tanınmış anti-Rusiya siyasətinin pioneri Riçard Murla birbaşa bağlıdır.
Böyük Britaniyanın məxfi kəşfiyyat xidmətinin rəhbəri Riçard Mur Nikol Paşinyan və Milli Təhlükəsizlik Xidmətinin direktoru Armen Abazyanla görüşüb. Həmin görüşdən bir neçə gün sonra parlament Xarici Kəşfiyyat Xidmətinin yaradılması layihəsi təqdim olunub və yanvarda Kristina Qriqoryan başqa bir işə keçmək adı altında vəzifəsindən gedib. Lakin onun təyinatı gecikdi və Kristina Qriqoryan bir ilə yaxın yoxa çıxdı, o, heç yerdə görünmədi”, -nəşr yazır.
“Hraparak”ın yazdığına görə, , o, təlim keçmək üçün Qərbin xüsusi xidmət orqanlarında - Böyük Britaniya və yaxud ABŞ-də olub.
Təhlükəsizlik Şurasının katibi Armen Qriqoryanın sözlərinə görə, Xarici Kəşfiyyat Xidmətinin yaradılmasının əsas məqsədlərindən biri Ermənistan ətrafında təhlükəsizlik haqqında məlumat toplamaq və bunun əsasında təhlükəsizlik mühitini təhlil etmək və bu əsasda baş nazirə hansı qərarlar qəbul edilməsi barədə məlumat verməkdir.
Deputat Qaqik Melkonyan “Hraparak”a müsahibəsində Qriqoryanın bu müddət ərzində təlim keçməsi ilə bağlı məlumatı təsdiqləyib. “O təlim keçib, amma harada bilmirəm”, - o vurğulayıb.
Melkonyan qeyd edib ki, Xarici Kəşfiyyat Xidmətinin strukturu artıq hazırdır, onlar müxtəlif ölkələrin təcrübəsini götürüblər.
Melkonyan Rusiyanın onun təyinatının əleyhinə olması ilə bağlı müşahidələrə də cavab verib: “Rusiya həm də xalqın seçdiyi hökumətimizə, baş nazirimizə qarşıdır”.
Mürtəza
Ölkə.Az
