Erməni terroru yəhudiləri hədələyir: "Qara sentyabr" nədir?
“Ermənistanda yəhudilərə məxsus sinaqoqa hücum olub. Terrorçular sinaqoqun içərisində dağıntılar ediblər və qırmızı rənglə divarları yazıblar. Bu aksiyanı ASALA İsrailin Azərbaycana siyasi-hərbi dəstək verdiyinə görə etdiyini açıqlayır və onların etdiyini deyir”.
Ölkə.Az xəbər verir ki, bu sözləri dosent Zaur Əliyev qeyd edib. O bildirib ki, əslində, bu, ASALA-nın ərəb-ermənilərdən ibarət olan “Qara sentyabr” təşkilatının dəsti-xəttidir və Azərbaycana görə olmayıb:
“Amerikada erməni diasporunun əsas media orqanlarından biri olan “Azbares” qəzetində yazılır ki, 1915-ci ildə, birinci dünya müharibəsi ərəfəsində Anadoluda yaşayan ermənilərin guya sistemli şəkildə məhv edilməsində türklərdən çox yəhudilərin rolu böyük olub. Birinci Dünya Müharibəsi ərəfəsində ruslara qoşulan ermənilərin türklərə qarşı savaşması nəticəsində Osmanlı dövləti 27 may 1915-ci ildə “köç” qərarını məhz yəhudilər təşkil ediblər və onlar osmanlıları erməniləri “qırmağ”a inandırıblar”.
Z.Əliyev “Qara sentyabr”ın mahiyyəti barədə də danışıb:
“Ərəb və ermənilərin birgə yaratdığı və əsas hədəfləri yəhudilər olan “Qara sentyabr” təşkilatı ərəbcə “Munaẓẓamat Aylūl al-aswad” (Qara Sentyabrın əli) adlanır. FƏTH təşkilatının maliyyə dəstəyi ilə yaradılan bu qruplaşmada əsas söz sahiblərindən biri Hakob Hakobyan idi. O, “Fələstin Azadlıq Cəbhəsi”nin sıralarında vuruşmuş, “Qara sentyabr” təşkilatında isə ona “Əl-Mücahid” ləqəbi vermişdilər.
Onun varlı erməni və ərəb biznesmenlərindən maliyyə yardımı alması, türk və yəhudilərə olan hədsiz nifrəti FƏTH liderlərinin diqqət mərkəzində idi. Hələ keçən əsrin 70-80 ci illərində Erməni terror təşkilatı ASALA-nın üzvləri 1972-ci il Münhen olimpiya oyunlarında İsrail deleqasiyasına hücum edən “Qara sentyabr” təşkilatı ilə Livanın Bekaa vadisində, Fələstin bazalarında çiyin-çiyinə təlimlər keçiblər. Cinayət işi üzrə başlanmış araşdırma sonuncsuz nəticələnir, qatillər tapılmır. Bəzi məlumatlara görə, onu türk milliyyətçiləri (bozqurdlar) aradan götürmüşdü. Lakin sonra mediada gedən yazılarda Hakob Hakobyanı 1973-cü ildə İsrail Beyrutda MOSSAD-ın və SAXAL-ın (İsrail Müdafiə Ordusu) qüvvələri hesabına “Gənclik baharı” adlı əməliyyat qrupu tərəfindən öldürülməsi xəbəri yayıldı və bir söz bütün yazıların sonuncu cümləsi idi:
“1972-ci ildə Almaniyanın Münhen şəhərində keçirilən Olimpiada zamanı yəhudi idmançılarına qarşı terrorun qisası alındı”.