İsrail və HƏMAS \"atəşkəs\"i yalanladı

İsrail baş nazirinin ofisi və HƏMAS Qəzza ilə Misir arasındakı Rəfah Sərhəd Qapısının qısa müddətə də olsa açılacağı iddialarını təkzib edib.

Ölkə.Az xarici KİV-ə istinadla xəbər verir ki, onlar belə bir atəşkəsdən xəbərsiz olduqlarını bildirib. 

İsrail ordusu və ABŞ-nin İsraildəki səfirliyi məsələ ilə bağlı açıqlama verməyib. Bazar günü Misir rəsmiləri ilə danışan ABŞ dövlət katibi Antoni Blinken, Qəzzaya yardım göndərmək üçün Misir sərhəd qapısının açıla biləcəyini söyləyib. Lakin vaxt və təfərrüatlar açıqlanmayıb. 

ABŞ mətbuatında da sərhəd qapısının qısa müddətdə açıla biləcəyi yazılıb.

Qeyd edək ki, ingilis mediasına danışan iki Misir təhlükəsizlik rəsmisi Qəzzanın cənubunda atəşkəs üçün ABŞ, İsrail və Misir arasında razılaşma əldə edildiyini iddia edib. 

Günay