HƏMAS İsrailə hücum etmək üçün 4 il... - SENSASİON İDDİA

HƏMAS İsrailə hücum etmək üçün 4 il hazırlaşıb.

Bu barədə İranın “Tasnim” agentliyi yazıb.

Agentlik qeyd edib ki, HƏMAS-ın İsrail ərazisinə hücumu tərəflər arasında qarşıdurmada yeni dövrün başlanğıcı olub:

“Əl-Əqsa Tufanı” əməliyyatı, HƏMAS-ın 2020-ci ildən etibarən təlimlər keçməsi və mümkün hücum ssenarilərini işləyib hazırlaması sayəsində mümkün olub. HƏMAS döyüşçüləri qoşunların operativ səfərbər edilməsi, şəhər mühitində döyüş əməliyyatlarının aparılması, düşmənin yaşayış məntəqələrinin və hərbi obyektlərinin ələ keçirilməsi, sahilyanı ərazilərin işğalı və desant əməliyyatları üzrə məşqlər həyata keçiriblər", - məlumatda deyilir.

Agentlik həmçinin vurğulayıb ki, HƏMAS təşkilatının builki təlimləri “Əl-Əqsa Tufanı” əməliyyatından cəmi bir ay əvvəl baş tutub. İsrail hakimiyyəti təlimləri ciddi qəbul etməyib və təşkilatın döyüş strategiyasını tədqiq etməyib. (APA)