Cüneyt Arkının qızı qardaşlarını və ögey anasını məhkəməyə verdi

"Yeşilçam"ın əfsanəvi aktyoru, "Malkoçoğlu" kimi tanınan Cüneyt Arkının ilk evliliyindən olan qızı Filiz Cüreklibatır ögey anası Betül Cüreklibatır və qardaşları Murat Cüreklibatır ilə Kaan Polat Cüreklibatırı məhkəməyə verib.

Publika.az Türkiyə mediasına istinadən xəbər verir ki, əsl adı Fahrettin Cüreklibatur olan Cüneyt Arkının qızı atalarından ona qalan mirasın verilməsini tələb edib. O, iddia edir ki, Betül Cüreklibatır və qardaşları mirası oğurlayıblar.

Arkın qızına miras payını verəcəyini də bildiribsə də, ərizədə Filiz Cüreklibatıra vəd edilən miras payının verilmədiyi qeyd edilib. "Hürriyet"in xəbərinə görə, müraciətdə vəsiyyətnamə açıldıqdan sonra Cüneyt Arkının adına daşınmaz əmlak qeydinin olmadığı bildirilib:

"Leventdəki daşınmaz əmlakın 3-cü şəxslərə satıldığı və bu satışla təqsirləndirilənlərin adına daha bir daşınmaz əmlakın alındığı görüldü. Biz təqsirləndirilənlərin adına rəsmiləşdirilən daşınmaz əmlaklar və bank hesabları ilə bağlı tədbir görülməsini, əmlakların bölünməsini istəyirik".

Qeyd edək ki, Filiz Cüneyt Arkının ilk həyat yoldaşı, Psikiyatrist Dr. Güler Mocandan olan qızıdır. Cütlük 10 il evli olub.