Belçikadakı hücumu İsrail-HƏMAS münaqişəsinə nə bağlayır? - VİDEO
Belçikanın paytaxtı Brüsseldə 2 nəfərin öldüyü silahlı hücumla bağlı yeni təfərrüatlar ortaya çıxıb.
Ölkə.Az xarici "Haberler.com"a istinadla xəbər verir ki, hücumu həyata keçirənin terror təşkilatı İŞİD üzvü olduğu iddia edilir.
Belə ki, o, ABŞ-də 26 bıçaq yarası ilə öldürülən 6 yaşlı fələstinli uşağın qisasını almaq üçün hücumu təşkil edib.
Hadisədən sonra hücum edən şəxsin çəkdiyi video üzə çıxıb.
Xatırladaq ki, dünən Belçikanın paytaxtı Brüsseldə yerli vaxtla saat 20.15 radələrində Belçika-İsveç qarşılaşması zamanı naməlum şəxs ətrafa atəş açıb. Hadisə nəticəsində iki İsveç vətəndaşı həlak olub.
Daha öncə ABŞ-nin Çikaqo şəhərində 71 yaşlı Cozef M. Czuban müsəlman ailəyə bıçaqlı hücum edib. 26 bıçaq zərbəsi alan 6 yaşlı uşaq ölüb.
Günay
