Ora bir də quş gələr? – Deputatdan etiraz

“Bəzi ölkələrdən Azərbaycana gəlib burada nadir heyvan ovçuluğu ilə məşğul olanların sayı artıb. Bununla bağlı şikayətlər var. Bu məsələdə ciddi qayda yaratmaq lazımdır”.

"Ölkə.Az" xəbər verir ki, bunu Milli Məclisin bu gün keçirilən iclasında deputat Sabir Rüstəmxanlı deyib.

"Bir dəfə ov mövsümündə Qızılağac qoruğuna getmişdim, elə bildim, orada müharibə gedir. Səhərdən-axşama atışma idi. Ora bir də quş gələr? Orada çox az quş qalıb", - deyə deputat bildirib.

O qeyd edib ki, Azərbaycan təbiəti heyvan və quşlarla o qədər də zəngin deyil: "Həmçinin nadir heyvanların kökünün kəsilməsinə yol vermək olmaz. Xaricdən gələnlərin Azərbaycanda ov etməsinə qadağa qoymaq lazımdır".

Mürtəza
Ölkə.Az