Azərbaycanda bu təşkilat fəaliyyətini dayandırdı
Naxçıvan şəhəri səhiyyə işçiləri həmkarlar ittifaqı şurası fəaliyyətini dayandırdığı barədə rəsmi elan verib.
İqtisadiyyat.az-ın əldə etdiyi məlumata görə, şura buna görə də ləğv olunduğunu bildirib.
Hazırda bu təşkilatın yerində isə Səhiyyə İşçiləri Həmkarlar İttifaqı Naxçıvan Muxtar Respublika Komitəsi fəaliyyət göstərir.
Komitənin sədri isə Yəmən Rzayevadır.
O, İqtisadiyyat.az-a açıqlamasında məlumatı təsdiqləyib. Bildirib ki, təşkilat Naxçıvan şəhəri səhiyyə işçiləri həmkarlar ittifaqı şurası kimi fəaliyyətini çoxdan dayandırıb. O, sadəcə elanı təzəlikcə verdiklərini söyləyib.
Sədrin sözlərinə görə, hazırda Səhiyyə İşçiləri Həmkarlar İttifaqı Naxçıvan Muxtar Respublika Komitəsi fəaliyyətini davam etdirir.
