Rusiya öhdəliklərini yerinə yetirməyə hazırdır - Putin

“Moskva xaricə, o cümlədən Pakistana taxıl tədarükü ilə bağlı bütün öhdəlikləri yerinə yetirməyə hazırdır”.

"Ölkə.az" xəbər verir ki, bunu Rusiya Prezidenti Vladimir Putin Pakistanın Baş naziri Ənvar-ül-Haq Kakarla görüşündə deyib.

"Təkcə bu il Pakistana 1 milyon ton taxıl tədarük edilib. Biz öhdəliklərimizi yerinə yetirməyə hazırıq. Və qeyd etməliyəm ki, bunun üçün bütün əsaslar və ilkin şərtlər var", - deyə Putin bildirib.

Putin xatırladıb ki, 2022-ci ildə Rusiya 158 milyon ton taxıl məhsul əldə edib.