Vaqif Xaçatryanın işi üzrə bugünkü məhkəmə iclası bitdi, növbətisinin vaxtı açıqlandı

Azərbaycanlılara qarşı soyqırımında ittiham olunan Vaqif Xaçatryanın məhkəmə prosesində bugünkü iclas başa çatıb.

Oxu.Az-ın məlumatına görə, bir neçə şahid gəlmədiyindən fasilədən sonra iclasın işi bu günlük sonlandırılıb və növbəti məhkəmə iclasının oktyabrın 24-də keçiriləcəyi elan edilib.

***

Azərbaycanlılara qarşı soyqırımında ittiham olunan Vaqif Xaçatryanın məhkəmə prosesində bir neçə dəqiqəlik fasilə verilib.

Oxu.Az-ın məlumatına görə, həmçinin növbəti məhkəmə iclasının vaxtı da açıqlanıb. İclas oktyabrın 24-də keçiriləcək.

***

Vaqif Xaçatryanın cinayət işi üzrə məhkəmə prosesində zərərçəkmiş Şamil Kazımov ifadə verib.

O, Vaqif Xaçatryanı şəxsən tanıdığını deyib.

“Vaqif Xaçatryan özü bizim evimizdə olub. Mənim atamla qardaşımı da Vaqif vurmuşdu. Mən bunların hamısını yaxşı tanıyıram”, - deyə o əlavə edib.

***

Azərbaycanlılara qarşı soyqırımında ittiham olunan Vaqif Xaçatryanın məhkəmə prosesi davam etdirilir.

Oxu.Az-ın məlumatına əsasən, məhkəmə prosesində zərərçəkmiş Fazil Hacıyev ifadə verib.

O bildirib ki, Vaqif Xaçatryanın törətdiyi cinayətlərin şahidi olub.

“Şəxsən Vaqifin iştirakı ilə beş nəfər diri-diri yandırıldı”, - deyə o əlavə edib.

***

Azərbaycanlılara qarşı soyqırımında ittiham olunan Vaqif Xaçatryanın məhkəmə prosesi davam etdirilir.

Oxu.Az-ın məlumatına əsasən, məhkəmə prosesind zərərçəkmiş Fazil Hacıyev ifadə verib.

O bildirib ki, Vaqif Xaçatryanın törətdiyi cinayətlərin şahidi olub.

“Şəxsən Vaqifin iştirakı ilə beş nəfər diri-diri yandırıldı”, - deyə o əlavə edib.

***

Azərbaycanlılara qarşı Xocalının Meşəli kəndində soyqırımı törətməkdə ittiham olunan Vaqif Xaçatryanın məhkəmə prosesində zərərçəkmişlərin və zərərçəkmişlərin varislərinin ifadələri dinlənilir.

Oxu.Az-ın məlumatına əsasən, Bəsti Behbud qızı Behbudova zərərçəkmişin nümayəndəsi kimi danışıb.

O bildirib ki, Vaqif Xaçatryanın adını böyüklərdən, Meşəli kəndinin sakinlərindən eşidib.

“Meşəli kəndində məlum hadisələr baş verəndə mən uşaq idim. Amma erməni silahlılarının törətdikləri cinayətlərdən əziyyət çəkmişəm. Tələb edirəm ki, Vaqif Xaçatryana ən ağır cəza verilsin”, - deyə o əlavə edib.

***

Qanunsuz erməni silahlı birləşmələrinin tərkibində Xocalı rayonunun Meşəli kəndində soyqırımı törətməkdə təqsirləndirilən Xaçatryan Vaqif Çerkezoviçin cinayət işi üzrə məhkəmənin növbəti iclası başlayıb.

APA xəbər verir ki, prosesə sədrlik edən Bakı Hərbi Məhkəməsinin sədri Zeynal Ağayev tərəflərə bir daha hüquqlarını izah edib.

Proses zərərçəkmiş və hüquqi varislərin dindirilməsi ilə davam edir.

***

Ölkə.az APA-ya istinadən bildirir ki, Bakı Hərbi Məhkəməsinin sədri Zeynal Ağayev məhkəmə iclasına sədrlik edəcək.

Qeyd edək ki, cinayət işi üzrə məruzəçi hakim Camal Ramazanovdur.

Cinayət işinə Yasamal rayon Məhkəməsinin inzibati binasında baxılacaq.
Ətraflı

Ötən prosesdə məhkəmə istintaqı başlayıb, prokuror ittiham aktını elan edib. Daha sonra təqsirləndirilən şəxs və iş üzrə zərərçəkən şəxslər məhkəmədə dindirilib.

Qeyd edək ki, Meşəli soyqırımı ilə bağlı beynəlxalq axtarışda olan Ermənistan vətəndaşı Xaçaturyan Vaqif Çerkezoviç bu ilin iyulunda Laçın sərhəd-keçid məntəqəsində saxlanılıb. Onun üzv olduğu cinayətkar dəstə dekabr ayında Xocalı rayonunun Meşəli kəndində 25 nəfər azərbaycanlını öldürüb, 14 nəfərə xəsarət yetirib, 358 nəfər azərbaycanlını isə qanuni yaşadıqları yerdən didərgin salıblar.

Ona qarşı Cinayət Məcəlləsinin 103-cü (Soyqırımı-hər hansı milli, etnik, irqi və ya dini qrupu, bir qrup kimi bütövlükdə və ya qismən məhv etmək məqsədilə qrup üzvlərini öldürmə, qrup üzvlərinin sağlamlığına ağır zərər vurma və ya onların əqli qabiliyyətinə ciddi zərər vurma) və 107-ci (Əhalini deportasiya etmə və ya məcburi köçürmə-əhalini qanuni yerləşdiyi yerlərdən başqa ölkəyə qovma və ya digər məcburi hərəkətlərlə didərgin salma) maddələri ilə ittiham elan olunub, barəsində həbs qətimkan tədbiri seçilib.

Cinayət işi üzrə 59 nəfər zərərçəkmiş qismində tanınıb.