Sumqayıtda DƏHŞƏTLİ HADİSƏ - ər-arvad bir-birini BIÇIQLADI

Sumqayıtda qəsdən adam öldürməyə cəhd faktı ilə bağlı cinayət işi başlanıb.

Bu barədə "Ölkə.Az"a Sumqayıt Şəhər Prokurorluğundan məlumat verilib.

Belə ki, oktyabrın 19-da 1984-cü il təvəllüdlü Elvira Məmmədovanın çoxsaylı bıçaq xəsarətləri alması barədə şəhər prokurorluğuna məlumat daxil olub.

Araşdırma zamanı 1987-ci il təvəllüdlü Mehman Rüstəmovun yaşadığı, Sumqayıt şəhəri, 14-cü məhəllədə yerləşən mənzildə ailə münaqişəsi zəminində arvadı Elvira Məmmədovanı bədəninin müxtəlif nahiyələrinə kəsilmiş-deşilmiş xəsarətlər yetirərək qəsdən öldürməyə cəhd etməsinə əsaslı şübhələr müəyyən edilib.

Faktla bağlı Sumqayıt şəhər prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsilə cinayət işi başlanaraq ibtidai istintaq aparılır. Mehman Rüstəmov hadisə zamanı xəsarət aldığından hazırda xəstəxanada müalicəsi davam edir.

Qeyd edək ki,  E.Məmmədovanın həyat yoldaşı 1987-ci il təvəllüdlü Mehman Rüstəmov özünə də xəsarət alıb. İlkin məlumata görə, onlar bir-birinə xəsarət yetiriblər.