Faktiki hava açıqlanıb
Oktyabrın 19-u saat 17:00-a olan hava proqnozuna əsasə, ölkə ərazisində qeyri-sabit hava şəraiti davam edib.
"Ölkə.az" xəbər verir ki, bu barədə Milli Hidrometeorologiya Xidməti məlumat yayıb. Bildirilib ki, Naxçıvan Muxtar Respublikası, Qazax, Gəncə, Mərkəzi Aran və Balakən, Şəki bölgələrində arabir yağış yağıb.
Şimal-qərb küləyi bəzi rayonlarda, Bakıda və Abşeron yarımadasında 18 m/san-dək güclənib.
Bu gün bölgələrdə, eləcə də Qarabağ və Şərqi Zəngəzur bölgəsində arabir yağış yağacağı gözlənilir. Ayrı-ayrı yerlərdə yağıntıların leysan xarakterli olacağı, şimşək çaxacağı, dolu düşəcəyi, dağlıq ərazilərdə qar yağacağı ehtimalı var.
