Sülh sazişinin imzalanması istiqamətində böyük imkanlar yaranıb – Elman Nəsirov

“Sülh sazişinin imzalanması istiqamətində böyük imkanlar yaranıb. Paşinyanın da ziddiyətli mövqesinin olmasına baxmayaraq, o da ilin sonunadək sülh müqaviləsinin imzalanmasının mümkünlüyünü qeyd edir. Lakin sülh prosesini pozan və buna əngəl yaradan Fransadır”.

Ölkə.Az xəbər verir ki, bunu deputat Elman Nəsirov parlamentin plenar iclasında çıxışı zamanı deyib.

Onun sözlərinə görə, Fransa sülhün əldə olunmaması üçün bütün imkanlardan istifadə edir və təxribatçı hərəkətlərə əl atır. 

“Brüsseldə Azərbaycan və Ermənistan liderlərinin iştirakı ilə üçtərəfli görüşünü keçirilməsi nəzərdə tutulur. Fransa çalışır ki, ya bu görüş baş tutmasın, ya da ki, görüş olsa belə, sülhlə bağlı ciddi nəticə olmasın”, - o qeyd edib.

Deputat əlavə edib ki, Fransanın bundan sonra da sülhü pozmaq istiqamətində hərəkətlərinə şahidlik edəcəyik: “Fransa yenə də Azərbaycanı Qarabağda etnik təmizləmədə ittiham edərək məsələnin BMT-də müzakirəsinə nail olmaq istəyir. Zəngəzurda konsulluq açmağa və Ermənistanla hərbi əməkdaşlığa can atacaq. Lakin Azərbaycan müharibəni udduğu kimi, sülhü də əldə edəcək”.

Mürtəza
Ölkə.Az