MTN-nin tutduğu nurçuların adları bəlli oldu

Bir neçə gün öncə Milli Təhlükəsizlik Nazirliyinin Yasamal rayonunda keçirdiyi əməliyyatla saxlanılan 85 nəfərin içində xarici vətəndaşlar da olub.

Bakı sakini Mübariz Əsədova məxsus evdə keçirilən yığıncaq zamanı saxlanılanlardan qanunla qadağan olunmuş kitablar götürülüb.

Saxlanılanlardan 5 nəfər haqda İnzibati Xətalar Məcəlləsinin 299-cu, iki nəfər haqda isə 300-cu maddə ilə protokol tərtib olunub.

Həmin iki şəxs xarici ölkə vətəndaşı olub. Onlar Türkiyə vətəndaşları 1969-cu il təvəllüdlü Nurulla Sunqur və 1968-ci il təvəllüdlü Şenol Mihdad Sədad oğlu olub.

IXM-nin 300-cu maddəsinə görə, əcnəbilər və vətəndaşlığı olmayan şəxslər iki min manatdan iki min beş yüz manatadək miqdarda cərimə edilməklə Azərbaycan Respublikasının hüdudlarından kənara inzibati qaydada çıxarılır.

Saxlanılan digər 78 nəfər ifadəsi alınaraq sərbəst buraxılıb. (qafqazinfo)

Ölkə.Az