Qazaxıstanda mədən qəzasında ölənlərin sayı artdı - Yenilənib 2

Qazaxıstanın Karaqanda vilayətində Kostenko daş kömür şaxtasında baş verən qəzada ölənlərin sayı 32 nəfərə çatıb.

***

13:54

Qazaxıstanda şaxtada qəza qurbanlarının sayı 28-ə çatıb.

Bu barədə Qazaxıstan Fövqəladə Hallar Nazirliyi məlumat yayıb.

***

09:39

Qazaxıstanın Karaqanda vilayətində Kostenko şaxtasında qəza baş verib.

Oxu.az xəbər verir ki, faciə nəticəsində azı 16 nəfər həlak olub, daha 18 şaxtaçı müxtəlif bədən xəsarətləri ilə xəstəxanaya çatdırılıb.

İlkin ehtimallara görə, metan qazının partlayışı baş verib.

Hadisə zamanı yerin altında 252 nəfər olub, onlardan 205-i çıxarılıb.

Qazaxıstan Prezidenti Kasım-Jomart Tokayev “ArcelorMittal Temirtau” şirkətinin sahibi olan şirkətə sərmayə qoymağı dayandırmağı əmr edib.
“Dövlət başçısı hökumətə şaxtaçıların ailələrinə bütün lazımi yardımların göstərilməsini tapşırıb. Hökumətə şirkətlə investisiya əməkdaşlığını dayandırmaq tapşırılıb”, - Qazaxıstan hökumətinin Mətbuat Xidmətinin bəyanatında deyilir.

Fövqəladə vəziyyətin araşdırılması üçün dövlət komissiyası yaradılıb.

Qeyd edək ki, təqribən iki ay əvvəl “Kazaxstanskaya” mədənində faciə baş vermişdi.