Xamneyidən Kral Salmana ağır ittiham

İranın ali dini lideri Məkkədəki faciəyə görə Səudiyyə Ərəbistanını günahlandırıb

İranın ali dini lideri Əli Xamenei Məkkədə Qurban Bayramı günü baş vermiş faciəyə görə Səudiyyə Ərəbistanının hakimiyyətini günahlandırıb.

Ölkə.az xəbər verir ki, İranın dini rəhbərinin sözlərindən bu ölkənin mətbuatı sitat gətirib.

“Səudiyyə Ərəbistanı hökuməti bu faciəli insidentə görə məsuliyyəti öz üzərinə götürməlidir. Hadisəyə səbəb Həcc ziyarəti zamanı işin yarıtmaz təşkili, qeyri-səmərəli və bədəməl hərəkətlər olub”, ayətullahın bəyanatında belə deyilir.

Məkkə ziyarəti zamanı yaranan izdiham nəticəsində 95 iranlı zəvvar da həlak olub və buna görə İranda üç günlük matəm elan olunub.

Qeyd edək ki, ötən gün Məkkə yaxınlığında izdiham nəticəsində 753 zəvvar ölüb, 900-dək insan isə xəsarət alıb.

Ölkə.az