Hellouin şənliklərində 10-a yaxın adam ölüb, 60-dan çox insan yaralanıb

ABŞ-də Hellouin şənliklərində silsilə atışma baş verib.

APA xəbər verir ki, bu barədə NBC telekanalı məlumat ayayıb.

Müxtəlif ştatlarda baş verən insidentlər zamanı 10-a yaxın şəxs ölüb.

Hadisələr ən çox Florida və İndiana ştatlarında cərəyan edib.

Yüzlərlə insanın iştirak etdiyi bayram şənliklərində 60-dan çox insan isə yaralanıb.

Bayram ənənəvi olaraq oktyabrın 31-də qeyd olunur.

Builki Hellouin iş gününə təsadüf etdiyindən bir çox şəhərlərdə şənliklər oktyabrın 28-dən 29-na keçən gecə baş tutub.

Ölənlərin yaş kateqoriyası 16-22-dir.

Eyni zamanda hüquq-mühafizə orqanlarının əməkdaşları odlu silahla bir neçə nəfəri saxlayıblar.