Dövlət şirkəti satışları dayandırdı

Azərbaycan Dövlət Sığorta Kommersiya Şirkətinin (Azərsığorta) satışları dayandırdığı deyilir.

“Ölkə.Az”ın məlumatına görə, Azərbaycan Respublikası Sığorta Şirkətinin Şurası və İdarə Heyətinin birgə qərarına əsasən 2023-cü il oktyabrın 31-dən satışların dayandırılması zərurəti yaranıb.

Belə ki, qeyd olunan tarixdən etibarən şirkətə məxsus bütün informasiya sistemləri üzrə sığorta şəhadətnamələrinin buraxılma imkanı məhdudlaşdırılacaq. Şirkətin uzunmüddətli iqtisadi səmərəliyinin diaqnostikası üzrə nəticələr əldə olunduqdan sonra növbəti addımlarala bağlı qərarla verilə bilər.

Qeyd edək ki, bir neçə gün öncə “Ölkə.Az” “Azərsığorta”da yaranan anormal vəziyyətlə bağlı xəbər vermişdi. Belə ki, şirkətin mühasibat balansı pozulmuş, öhdəlikləri aktivlərini üstələmişdi.

Daha ətraflı: Dövlət şirkətində anormal vəziyyət yarandı