Bayden: Netanyahunun siyasi karyerası sona yaxınlaşır

ABŞ prezidenti Co Bayden hesab edir ki, İsrailin baş naziri Benyamin Netanyahunun siyasi karyerası başa çatmaq üzrədir. 

Ölkə.Az xəbər verir ki, bu barədə “Politico” qəzeti Amerika administrasiyasındakı mənbələrə istinadən məlumat yayıb.

Nəşrin yazdığına görə,  Ağ Ev “Netanyahunun baş nazir postunda sayılı günlərin qaldığına inanır” və bu, “bir neçə ay və ya İsrailin Qəzza zolağında hərbi əməliyyatının ilkin mərhələsi başa çatana qədər davam edəcək”.

“Politico” yazır ki, Bayden Netanyahu ilə şəxsi söhbətində baş nazir kimi gələcək perspektivlərini müzakirə edib və onu “varisinə hansı ssenari təklif edəcəyini düşünməyə” dəvət edib. 

Qəzetin yazdığına görə, Amerika administrasiyasının nümayəndələri İsrailin keçmiş baş naziri Naftali Bennett, müxalifət liderlərindən biri, keçmiş müdafiə naziri Benni Qantz və parlament müxalifətinin lideri Yair Lapidlə danışıqlar aparır.

Mürtəza
Ölkə.Az