Ermənistanın bütün liderləri öldürülməlidir - Petrosyan
Bu gün Ermənistanın üzləşdiyi məğlubiyyətdə baş nazir Nikol Paşinyanla yanaşı, keçmiş prezidentlər Levon Ter-Petrosyan, Robert Köçəryan və Serj Sarqsyanın da günahı eynidir.
Ölkə.Az xəbər verir ki, bunu erməni politoloq Vazgen Naşten Petrosyan deyib.
Onun sözlərinə görə, Paşinyan 2018-ci ildən məğlubiyyət siyasəti yürütməyə başlayıb, ardıcıl və davamlı şəkildə bu xətti irəli sürüb.
“Nikolun özü erməni xalqından incikdir, ruslar demişkən “abıjnikdir” və ona görə də ermənilərdən, Ermənistandan qisas alır. Lakin onunla belə keçmiş prezidentlər Levon Ter-Petrosyan, Robert Köçəryan, Serj Sarqsyanın bu məsələdə günahı az deyil və onlar da məsuliyyətə cəlb olunub cavab verməlidirlər”, - o qeyd edib.
Politoloq əmindir ki, hər üç keçmiş prezident bir gün bu məqamın gələcəyinə əmin idilər: “Amma onlar Ermənistanın bu həlledici məqamda sınaqlarla üzləşməməsi üçün ölkəni gücləndirməyə yetərincə imkanları var idi. Lakin bu edilmədi. Azərbaycanın 1994-cü ildə atəşkəs sazişini imzalayandan dərhal sonra müharibəyə hazırlaşdığını anlamamaq üçün kor olmaq lazımdır. Bəs biz nə etdik?
Onlar əxlaqsız daxili siyasət yürüdüblər. İndi başqa şey danışırlar. Qoy Levon Ter-Petrosyan Telman Ter-Petrosyanın nə etdiyini desin, Robert Köçəryan 10 illik prezidentliyi dövründə ətrafının nə etdiyini, Serj Sarqsyan oliqarxlarının nə etdiyindən danışsın. Heç kim heç nə demir. Hamısı xalqı günahkar hesab edir”.
Qarabağ ermənilərinin Ermənistanda qalıb-qalmaması məsələsinə toxunan Petrosyan əminliklə vurğulayıb ki, Paşinyan elə şərait yaradacaq ki, Qarabağ erməniləri, sadəcə olaraq, Ermənistanı tərk edəcək.
“Ona görə də bunlaırn hamısı, Paşinyan, Ter-Petrosyan, Köçəryan və Sarkisyan utanc əlaməti olaraq erməni siyasi və hərbi elitasının qarşısında asılmalıdır”, - o qeyd edib.
Mürtəza
Ölkə.Az
