Bir sıra pozuntular texniki səhvlərdəndir – Sahil Babayev
Yaxın gələcəkdə bütün kargüzarlıq işləri elektron qaydada həyata keçiriləcək.
Ölkə.Az xəbər verir ki, bunu əmək və əhalinin sosial müdafiəsi naziri Sahil Babayev Milli Məclisdə 2024-cü ilə büdcə müzakirələri zamanı deyib.
Onun sözlərinə görə, hazırda kargüzarlıq işləri həm kağız, həm də elektron üzərindən həyata keçirilir: “Amma gələcəkdə kadrlar şöbəsinin bütün kargüzarlıq işlərinin elektron qaydada aparılmasını planlaşdırırıq. Bu da Əmək Məcəlləsindəki bəzi inzibati pozuntuları aradan qaldıracaq. Çünki indiyədək bir sıra pozuntuların mütləq əksəriyyəti qəsd-qərəzçilikdən yox, məhz texniki səhvlər nəticəsində irəli gəlir. Elektron istifadəyə keçdikdən sonra isə bu problemlər aradan qalxacaq”.
O eyni zamanda bildirib ki, gələcəkdə məşğulluq sahəsində də işlər elektronlaşdırılacaq.
Nazir əlavə edib ki, artıq məzunların vahid kadr və iş vakansiyası ilə bağlı bazanın yaradıldığını qeyd edib.
Mürtəza
Ölkə.Az
