"Qarabağ" "Neftçi"yə qarşı
Bu gün Azərbaycan Premyer Liqasında VI turun oyunları davam edir.
İkinci oyun günündə daha iki qarşılaşma keçiriləcək.
Cari mövsüm xal və qol üzünə həsrət qalan AZAL bu tur Sumqayıta səfər edəcək. "Təyyarəçilər" burada yerli "Sumqayıt"ın qonağı olacaq. Tərlan Əhmədovun komandası bu görüşdə qələbə qazanmaqla Sumqayıt təmsilçisi ilə xalını eyniləşdirə bilər.
Turun mərkəzi qarşılaşması Bakıda baş tutacaq. Suraxanı qəsəbə stadionunda son çempion "Qarabağ" "Neftçi"ni qəbul edəcək. Ağdam təmsilçisi yeni inşa etdiyi stadionda ilk oyununu məhz "Neftçi"yə qarşı keçirəcək. Əsasən gənclərdən təşkil olunan "ağ qaralar"ın güclü "Qarabağ"a qarşı necə oyun sərgiləyəcəyi maraqla gözlənilir. Matç saat 19:00-da başlayacaq.
Qeyd edək ki, Premyer Liqada 6-cı tura sabah keçiriləcək “Xəzər Lənkəran” – “Zirə” oyunu ilə yekun vurulacaq. (qol.az)
26 sentyabr
Azərbaycan Premyer Liqası, 6-cı tur
19:00. “Qarabağ” – “Neftçi” - 0:0 (Birinci hissə)
Hakimlər: Fariz Yusifov, Vaqif Musayev, Mübariz Haşımov, Knyaz Əmiraslanov
Əlavə köməkçi hakimlər: Orxan Məmmədov, Elvin Əsgərov
Suraxanı qəsəbə stadionu
19:00.“Sumqayıt” – AZAL - 0:0 (Birinci hissə)
Hakimlər: Rəhim Həsənov, Azər Əsgərov, Vüsal Qənbərov, Nail Nağıyev
Sumqayıt şəhər stadionu.
25 sentyabr
“Rəvan” – “Qəbələ” - 0:3
Qollar: Dodo, 37 (0:1), Samir Zərgərov, 57 (0:2), Aleksey Qay, 78 (0:3)
Hakimlər: Elvin Əsgərov, Namiq Hüseynov, Rahil Ramazanov, Mehman Mahmudov
“Bayıl Arena”
“İnter” – “Kəpəz” - 1:0
Qol: Dieqo Martins, 53 (1:0)
Hakimlər: Rauf Cabbarov, Yaşar Abbasov, Nahid Əliyev, Ziya Nəsirov
“İnter Arena”
27 sentyabr
21:00. “Xəzər Lənkəran” – “Zirə”
Hakimlər: İnqilab Məmmədov, Elman Musayev, İsgəndər Əliyev, Munis Abdullayev
Əlavə köməkçi hakimlər: Rauf Cabbarov, Ramil Əhmədov
“Xəzər Lənkəran” mərkəzi stadionu
Turnir cədvəli
Ölkə.Az
