Şikayətlər çox azdır, haradasa iki faizdir - Sahil Babayev

Bu gün özünəməşğulluq proqramının icrası ilə bağlı onqat nəzarət var.

Ölkə.Az xəbər verir ki, bunu əmək və əhalinin sosial müdafiəsi naziri Sahil Babayev parlamentdə deputatların suallarını cavablandırarkən deyib.

Nazirin sözlərinə görə, məşğulluğa cəlb olunan hər kəsə ən müxtəlif formada nəzarətlər həyata keçirilir.

“Biz haradasa 5-6-7 qata nəzarətimiz var. Yəni təkcə bizim qurum deyil, ən müxtəlif dövlət qurumları bur nəzarət  mexanizminə cəlb edilir. Bu gün 75 min ailəyə bu aktiv verilib. Bu proqramların icrası ilə bağlı şikayətlər çox azdır və bu haradasa iki faiz təşkil edir”, - nazir deyib.

Nazir əlavə edib ki, proqramı uğurlu hesab edir. O eyni zamanda deyib ki, məşğulluq proqramı sahibkarlıq deyil, mikrosahibkarlıq ələtidir: “Ona görə də bunu sahibkarlıq aləti ilə eyniləşdirmək düz deyil”.

Mürtəza
Ölkə.Az