Bibisinə 52, nənəsinə isə 32 bıçaq zərbəsi vuraraq qətlə yetirdi

Bakıda nənəsi və bibisini çoxsaylı bıçaq xəsarətləri ilə qətlə yetirməkdə təqsirli bilinən Samir Mustafayevin (adlar şərtidir) cinayət işi üzrə məhkəmə prosesi başa çatıb.

“Ölkə.Az” xəbər verir ki, Suraxanı rayonu, Yeni Günəşli qəsəbəsi ərazisində 1932-ci il təvəllüdlü Simuzər Mustafayeva və 1959-cu il təvəllüdlü Tamilla Cavadovanın yaşadıqları evdə üzərlərində çoxsaylı bıçaq xəsarətləri olan meyitlərinin aşkar edilməsi barədə rayon prokurorluğuna məlumat daxil olub.

Faktla bağlı Suraxanı rayon prokurorluğunda Cinayət Məcəlləsinin 120.2.7-ci (iki və ya daha çox şəxsi qəsdən öldürmə) maddəsi ilə cinayət işi başlanıb.

Dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitlərə baxış keçirilib, müvafiq ekspertizalar təyin edilib, maddi sübutlar götürülüb, şahidlər dindirilib və digər prosessual hərəkətlər yerinə yetirilib.

İlkin istintaqla 1985-ci il təvəllüdlü Samir Mustafayevin şəxsi münasibətlər zəminində aralarında yaranmış mübahisə zamanı çoxsaylı bıçaq zərbələri vuraraq nənəsi Simuzər Mustafayeva və bibisi Tamilla Cavadovanı qəsdən öldürməsinə əsaslı şübhələr müəyyən edilib.

Tibbi ekspertizayın rəylərinə əsasən Tamilla Cavadovanın meyitinin müayinəsi zamanı 52, Simuzər Cavadovanın bədən səthində isə 32 ədəd deşilmiş-kəsilmiş yara aşkar edilib.

Samir Mustafayev şübhəli şəxs qismində tutularaq istintaqa cəlb edilib.

Saxlanılan Samir Mustafayev ifadəsində bildirib ki, 1985-ci ildə Rusiyada anadan olub və 1 yaşı olanda ailəsi ilə birlikdə Bakıya köçüb. Anası öləndən sonra nənəsi və bibisi ilə yaşayıb. 10 ildir ki, narkotik maddələr qəbul edir və heç yerdə işləmir.

Senytabrın 22-də tanışına deyib ki, onun üçün narkotik gətirsin. Saat 22:00 radələrində tanışı ona narkotik gətirib. Mənzilə qalxıb ayaqyolunda onu qəbul edib.

Səhərsi gün bibisi Tamilla onun yanına gələn tanışını nəzərdə tutub deyib ki, qonşular sənin yanına gələn adamın liftin mühərrikini oğurlamasından hiddətləniblər. Bibisi qonşuların onunla bu mövzuda söhbət etmələrindən çox utandığını bildirib:

Günorta bibim mənə dedi ki, qonşular sənin yanına gələn kimdisə deyirlər ki, liftin matorunu oğurlamağından şübhələnirik. Məndə istəmədim bilsinlər ki mənim yanıma gəlib, dedim o adamı tanımıram. Bibim başladı ki, biyabır olduq sənə görə nəbilim nə. Məni buna görə bir gün danladı”.

Növbəti gün yuxudan oyanandan sonra qadın yenədə əsəbləşib qonşuların yanında onu biyabır etdiyini söyləyib. Buna görə Samir mətbəxdən bıçağı götürüb otağa daxil olub. Divanın küncundə oturan Tamilla Cavadovaya arxadan yaxınlaşıb kürəyindən zərbələr vurmağa başlayıb. Bu vaxt qadının əlindəki boşqab yerə düşüb. Ayaq üstə qalxıb yalvarıb ki, onu vurmasın.

Səsə mətbəxdən nənəsi gələndə bibisi artıq döşəmədə hərəkətsiz vəziyyətdə qalıb. Samir bu dəfə bıçaqla nənəsinin boğazına və bədəninin müxtəlif nahiyyələrinə xəsarətlər yetirib. Qadın yerə yıxılıb, bıçaq tiyəsindən qırılıb. Mətbəxə keçib daha iri tiyəli bıçaq götürüb nənəsinin yanına qayıdıb və zərbələr vurmaqda davam edib.

Samir Mustafayev ifadəsinin davamında bildirib ki, əllərindəki qanı yuyub yataq otağına keçib qana bulaşmış paltarlarını dəyişib. Nənəsinin yatdığı çarpayıdakı balışın altından 6 manat pul, özünün və bibisinin notbuklarını həmçinin qadının telefonunu götürüb.

Taksi ilə “Neftçilər”metrostansiyasının yanına gələrək dükanların birinə telefonu 70 manata satıb. Oradan taksi ilə tanışının yanına gedib onunla birlikdə narkotik maddə qəbul ediblər. Daha sonra isə evdən götürdüyü notbukları 180 manata satıb kafedə yeyib içiblər. Dostuna nənəsi və bibisini öldürdüyün deyib və intihar etmək üçün ondan gedib yüksək dozalı narkotik maddə almasını isyətib. Dostu ilə əlaqə saxlayan zaman sonuncu ona Yasamal bazarının yanına gəlməsini deyib. Sərnişin avtobusu ilə ora çatanda polis əməkdaşları tərəfindən tutulub.

Məhkəmə prosersi zamanı Samir Mustafayev ittiham üzrə özünü təqsirli bilib.

Sonda məhkəmənin hökmü ilə Samir Mustafayev ömürlük azadlıqdan məhrum olunub.