Gələn ilin büdcəsi əsasən bu iki yerə yönəldilib

2024-cü il dövlət büdcəsinin formalaşdırılması zamanı əsas iki aktual məsələyə diqqət yetirilib.

Ölkə.Az xəbər verir ki, bunu Milli Məclisin vitse-spikeri Adil Əliyev parlamentdə 2024-cü il büdcəsinin müzakirəsi zamanı deyib.

Onun sözlərinə görə, birincisi, böyük qayıdışı təmin etmək üçün Qarabağ və Şərqi Zəngəzurun yenidən qısa zamanda bərpa edilməsidir. 

“Artıq Qarabağ və Şərqi Zəngəzurda görülən işlər nəticəsində məcburi köçkünlərin öz doğma yurdlarına  dönüşü başlayıb”, - vitse-spiker qeyd edib.

O əlavə edib ki, ikinci aktual məsələ əhalinin sosial rifah halının yaxşılaşdırılması, xüsusən də sosial ehtiyacı olan həssas qrupunun sosial müdafiəsinin gücləndirilməsinə diqqət yetirilib. 

Mürtəza
Ölkə.Az