Güzəştli evlər tikilsin, faiz dərəcəsi aşağı olsun – Siyavuş Novruzov
İpoteka kreditlərinin verilməsində kənd və şəhərlərdə faiz dərəcələrinə ciddi dəyişiklik edilməlidir.
Ölkə.Az xəbər verir ki, bunu deputat Siyavuş Novruzov parlamentdə büdcə müzakirələri zamanı deyib.
“Bu gün ipoteka kreditlərinin verilməsində dəyişiklik edilmədiyindən insanlar məcbur olub mərkəzə üz tutur ki, bu da nəticədə müəyyən problemlər yaradır. Ona görə də ipoteka kreditləri verilərkən şəhərlə kənd rayonları arasında fərqlər olmalıdır. Bölgələrdə faiz dərəcəsi aşağı olmalıdır. Bu şəhərlər üzrə də dəyişməlidir”, - deputat bildirib.
O eyni zamanda təklif edib ki, kənd və rayonlarda da güzəştli evlər tikilməlidir.
“Gənclər bölgələrdə qalsın. Yalnız şəhərdə tikildiyindən gənclər məcbur olub şəhərdən güzəştli ev alır və şəhərə köçməli olurlar”, - Novruzov bildirib.
Mürtəza
Ölkə.Az
