"Gülür və ayağını qaldırır, dodaq büzüb layk yığırlar" - Blogerləri yıxıb-sürüdü

Tanınmış texnobloger Fərid Pərdəşünas azərbaycanlı instaqram blogerlərinin fəaliyyətini tənqid edib.

Ölkə.Az xəbər verir ki, o, yerli blogerlərin əksəriyyətinin heç bir məzmun istehsal etmədiyini deyib:

"Azərbaycanda instaqram blogerləri elə bilir ki, bədənlərini, yeyib-içib geyindiklərin çəkmək məzmundur. 10 influnserdən 8-i bu işlə məşğuldur. Profillərə baxırsan ki, hamısının fəaliyyəti bir-birinə bənzəyir. 
Bahalı restoranlar, fırlanan qızı kamera yaxınlaşdırır, kadr dəyişir qız gülür və ayağını qaldırır. Bu tipli məzmunlar da təkrarlanır. Bunun fonunda sağlam həyat tərzi göstərişi (sadəcə göstəriş edənlər), uçan yoqa ilə məşğul olmaq (istisnalar var), məsləhətlər, üz kremləri. 

Bu şəxslərin profillərinə baxanda bloger olaraq nə etdiklərini, nə işlə məşğul olduqlarını anlamırsan. Elə ancaq davamlı olaraq nəyisə istehlak edir. Ortaq cəhət çoxunun xanım, baxımlı və gözəl olmalarıdır". 

F.Pərdəşünas hesab edir ki, yüz minlərlə izləyici həmin blogerləri məsləhətləri üçün izləmir:

"Brendlər artıq ənənvi medianı kənara atıb,  tədbirlərinə blogerləri dəvət edir. Çünki bir blogerin tədbirdən dodaqlarını büzüb foto paylaşması daha çox layk gətirir, nəinki məzmun. Amma brendlər anlamır ki, hədəf kütlələləri onları izləyənlər deyil. Onlara tədbir və məhsul yox, bədən və görünüş maraqlıdır. Bunu qlobalda çox yaxşı bir ifadə ilə təsvir edirlər: “Sex Sells”.

Billurə