Trampdan Qasım Süleymaninin ölümü ilə bağlı ŞOK - İran razılaşmaya gedibmiş

ABŞ-nin sabiq prezident Donald Tramp 2020-ci ildə İnqilab Keşikçiləri Qvardiyasının Qüds Qüvvələrinin komandanı Qasım Süleymaninin ölümü ilə bağlı indiyədək qalan bəzi qaranlıq məqamlara və bundan sonra İranla ittifaqda olduqları barədə ilginc açıqlama verib.

Ölkə.Az xəbər verir ki, Trampın sözlərinə görə, Qasım Süleymaninin öldürüldüyündən sonra Tehran onunla əlaqə saxlayıb. 

“Bu, əvvəllər heç danışmadığım bir məsələdir. İran elə də dəyərli olmayan PUA-larımızdan birini vurdu. Yaxınlıqda göyərtəsində 39 mühəndis və pilotun olduğu böyük motorlu təyyarə olub. Generallardan soruşdum ki, onun arxasındakı təyyarəni vurublarmı? Dedilər: “Xeyr, vurmadılar”. Bu, maraqlıdır, dedim. Amma biz İranı vurmalı idik, ona görə də onlara ağır zərbə vurduq. Biz onların radarını və müxtəlif əşyalarını söndürdük və mən bəyanat verdim ki, əgər onlar bizə qarşı gəlsələr, onlara heç vaxt mümkün hesab etmədikləri şeylər edəcəyik. İranlılar bizə zəng edib dedilər ki, reputasiyamızı xilas etmək üçün sizi vurmaqdan başqa  çarəmiz yoxdur. 

“ABŞ-yə məxsus hərbi bazaya 18 raket atacağıq, amma narahat olmayın, raketlər bazaya çatmayacaq, deyərək  təminat verdilər. Dedikləri kimi də oldu. 18 raket atdılar, onlardan 5-i havada məhv edildi, qalanları isə baza ətrafına düşdü”, - Tramp bildirib.

Qeyd edək ki, İran Süleymaninin öldürülməsindən sonra qisas cavabı olaraq İraqın Ənbar əyalətindəki ABŞ-nin Ayn əl-Əsəd hava bazasına və Ərbildə Amerika əsgərlərinin yerləşdiyi bazaya raket zərbələri endirib.

Mürtəza
Ölkə.Az