Naxçıvanda 23 yaşlı qadının ölümü: təqsirləndirilən şəxsin məhkəməsi başlayıb

Naxçıvanda qadın boğularaq qətlə yetirməkdə təqsirli bilinən Röyal Zeynalovun cinayət işi üzrə məhkəmə prosesi başlayıb.

"Ölkə.Az" xəbər verir ki, Naxçıvan Müxtar Respublikası Ağır Cinayətlər Məhkəməsində hakim Faiq Heydərovun sədrliyi ilə keçiriləcək növbəti məhkəmə baxış ilcası noyabrın 28-nə təyin olunub.

Qeyd edək ki, iyunun 19-u saat 08 radələrində Naxçıvan şəhərinin Qaraxanbəyli kəndində 2000-ci il təvəllüdlü Telli Alcəfərovanın ölməsi barədə şəhər prokurorluğuna məlumat daxil olub.

İlkin araşdırma zamanı 1985-ci il təvəllüdlü Röyal Zeynalovun yaşadığı evin həyətində həmkəndlisi Telli Alcəfərovanı boğaraq qəsdən öldürməsinə əsaslı şübhələr müəyyən edilib.

Faktla bağlı Naxçıvan Şəhər Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, Röyal Zeynalov prokurorun qərarı əsasında şübhəli şəxs qismində tutularaq istintaqa cəlb edilib.