10 saatdan sonra suyun verilişi bərpa olundu - YENİLƏNİB

Binəqədi rayonu, Rəsulzadə qəsəbəsi ərazinsində suyun verilişi bərpa olunub.

Ölkə.Az xatırladır ki, sözügedən ünvanda təxminən 10 saatdan çox suyun verilməsi dayanmışdı.

Bəzi sakinlər deyir ki, quruma müraciət etmək istəsələr də, cəhdləri nəticəsiz qalıb.

"Hazırda suyun verilişi bərpa olunub. Amma təzyiq çox zəifdir. Hər halda tamamilə olmamasından daha yaxşıdır", - deyə saytımıza bildirilib.

"Azərsu" ASC-nin müvafiq əlaqə nömrələri zənglərə cavab verməyib.

***

Səhər tezdəndən suyumuz kəsilib, bayaqdan su daşıyırıq. Dünənki xəbərdarlıqda belə, bizim ərazilərin adı yazılmamışdı.

Bunu Ölkə.Az-a şikayətində Binəqədi sakini Hüseyn Mirzəyev söyləyib.

Rəsulzadə qəsəbəsi, 8 mart küçəsində yaşadığını və gün ərzində susuz qaldıqlarını bildirən şikayətçi yaranan vəziyyətə görə narazılığını ifadə edib.

"Azərsu"ya onlayn da müraciət etdik, qaynar xəttinə də yığdıq, bizə cavab verən olmadı. Suyun nə zaman gələcəyini bilmirik", - o bildirib. 

Ölkə.Az məsələ ilə bağlı "Azərsu" ASC-nin mətbuat xidməti ilə əlaqə saxlamağa çalışsa da, cəhdlər nəticə verməyib.

Qeyd edək ki, qurumun yaydığı məlumata görə, magistral su kəmərində baş vermiş qəza ilə əlaqədar  Binəqədi rayonunun 7 və 8-ci mikrorayonlarına gün ərzində içməli suyun verilməsində məhdudiyyətlər olacaq.