Aşmış heykəl, sülhməramlıya cavab, montaj foto...

Xankəndidə vaxtilə mövcud olmuş hazırda isə üzü üstə uzanmış Stepan Şaumyanın heykəlinin fotosu yayılıb.

Ölkə.Az xəbər verir ki, bununla bağlı "Bez Tormozov" teleqram kanalı məlumat yayıb.

Digər maraqlı məlumat isə Xocalı aeroportunda lentə alınan görüntülərdir.

Belə ki, "Deviçya başnya" teleqram kanalının yaydığı görüntülərdə Azərbaycan Silahlı Qüvvələrinin helikopterinin erməni işğalından azad edildikdən sonra ilk dəfə Xocalı hava limanında olduğu yer alıb.

Maraqlısı odur ki, ərazini lentə alan şəxsə sülhməramlı hərbçi "çəkmək lazım deyil, çəkmək lazım deyil" deyir.

Azərbaycan hərbçisi isə haqlı şəkildə buna cavab olaraq "problem yoxdur, çəkir və çəkməkdə davam edəcək. Başa düşdün?! Bura bizim torpağımızdır!" söyləyir.

Bu günlərdə trendə çevrilən görüntülərdən biri də Xankəndidə çəkildiyi iddia edilən fotodur. Sosial şəbəkə istifadəçiləri həmin şəklin həqiqət olduğuna inanıb doğru informasiya kimi paylaşırlar. Lakin "Bez tormozov" kanalının montaj etdiyindən məlumatsızdırlar. Belə ki, sözügedən kanal həmin fotonu montaj edərək səhifəsində yerləşdirib və arzusunu ifadə edib.

Bundan öncə də "Bez tormozov" Xankəndi meydanında erməni əsilli qadının əlində Azərbaycan bayrağı tutduğunu əks etdirən görüntü paylaşmışdı. Həmin fotonu da kanal montaj etmişdi və bunu manipulyativ informasiya kimi təqdim etməmişdi.

Sözügedən teleqram kanalı konseptinə uyğun olaraq həm dəqiq məlumatlar, həm də oxşar kontentdə postlar paylaşır. 

Miri
Ölkə.Az