Hədə-qorxu ilə pul tələb etməkdə şübhəli bilinən şəxs saxlanıldı
Noyabrın 8-də paytaxt sakini polis orqanına müraciət edərək naməlum şəxsin onun videogörüntülərini sosial şəbəkədə yayacağı ilə hədələyib 1170 manatını almasını bildirib.
Bu barədə Ölkə.Az-a Daxili İşlər Nazirliyinin mətbuat xidmətindən məlumat verilib.
Nərimanov RPİ 17-ci Polis Şöbəsi əməkdaşlarının daxil olan müraciət əsasında keçirdikləri əməliyyat tədbirləri ilə hədə-qorxu ilə tələb etməkdə şübhəli bilinən Qobustan rayon sakini Nail Rəcəbov müəyyən olunaraq saxlanılıb. Araşdırma aparılır.
