Tarasov: Kreml erməniləri Suriyada, Ukraynada döyüşməyə çağırmışdı?

“İkinci Qarabağ müharibəsindəki məğlubiyyətdən sonra ermənilər Qarabağı tərk edəndə Ermənistan sülh müqaviləsi imzalamağa çalışır ki, bunu ermənilər özləri ikinci təslim aktı kimi qəbul edəcəklər. Biz ermənilərə kömək edə biləcək resurs və qüvvələri görmürük”.

Ölkə.Az xəbər verir ki, bunu rusiyalı politoloq Stanislav Tarasov qeyd edib.

Ekspert hesab edir ki, Qarabağı itirən Ermənistan eyni zamanda Rusiyanı da müttəfiq və tərəfdaş kimi itirməyə başlayıb.

“Ermənistan hakimiyyəti istəyirdi ki, ermənilərin əvəzinə KTMT döyüşsün. Biz ki erməniləri Suriya və ya Ukraynada döyüşməyə dəvət etməmişik? Rusiya ilə münasibətləri korlayan Ermənistan özünü Qafqaz dağlarında, Türkiyə və Azərbaycanın yanında tamamilə təcrid olunmuş vəziyyətə düşdü”, - o əlavə edib.

Mürtəza
Ölkə.Az