"Səni bizdən aldı getdi o qatar"
"Daha bir böyük, yeri dolmayacaq, təkrarsız bəstəkarımız Mobil Babayevi itirdik. Barmaqları toxunduğu hər sətir, sənət əsəri idi".
Bu sözləri sosial şəbəkədə Xalq artisti Flora Kərimova ötən gün vəfat edən Əməkdar incəsənət xadimi, bəstəkar Mobil Babayev haqda yazıb.
"Filmlərimiz üçün bəstələri, mahnıları musiqi tariximizdə adı böyüklüyündə sillinməz səhifədir. Gözəl insan, dost, şəxiyyət xüsusiyyətindən öncə vətənpərvər vətəndaş idi. Allah rəhmət etsin! Əzizlərinə, doğmalarına Tanrıdan səbr və mətanət diləyirəm. Səni bizdən aldı getdi o qatar" deyə, sənətçi qeyd edib.
Qeyd edək ki, Mobil Babayev bu gün Yasamal qəbiristanlığında torpağa tapşırılıb.
