Razılaşma olan kimi Brüsseldə üçtərəfli görüş baş tutacaq - Qriqoryan
Ermənistan Təhlükəsizlik Şurasının katibi Armen Qriqoryan Brüsseldə Avropa İttifaqının Cənubi Qafqaz və Gürcüstan böhranı üzrə xüsusi nümayəndəsi Toivo Klaar ilə İlham Əliyev - Şarl Mişel - Nikol Paşinyan üçtərəfli formatda görüşün keçirilməsi məsələsini müzakirə edəcək.
Ölkə.Az xəbər verir ki, bu barədə erməni nəşri xəbər verir.
Təhlükəsizlik Şurasının katibi Ermənistanın Brüsseldə üçtərəfli formatda görüşə hazır olduğunu təsdiqləyib.
“Biz bunu əvvəl də deyirdik, indi də deyirik. Ermənistan hazırdır. Ermənistan buna razıdır. Razılaşma olanda bu görüş baş tutacaq”, - Qriqoryan vurğulayıb
Rusiya tərəfinin Moskvada danışıqlar üçün platforma təqdim etməyə hazır olması ilə bağlı müntəzəm dəvətlərə gəlincə, Qriqoryan cavab verdi ki, onun belə dəvətlərdən xəbəri yoxdur.
Mürtəza
Ölkə.Az
