DSMF: \"Azərbaycanın pensiya sisteminin maliyyə dayanıqlığı təmin edilib\"

“Azərbaycanın sığorta pensiya sisteminin inkişafında və sistem üzrə dayanıqlı islahatların aparılmasında əsas alət kimi beynəlxalq təcrübə nəzərə alınmaqla aktuarlıq tədqiqatların təşkilində geniş istifadə olunur”.

Bunu Beynəlxalq Aktuarlar Assosiasiyasının Avrasiya və Yaxın Şərq üzrə komitəsinin toplantısında Dövlət Sosial Müdafiə Fondunun (DSMF) sədri Elman Mehdiyev deyib.

DSMF sədrinin sözlərinə görə, bu gün böhranla üzləşən əksər ölkələrin pensiya sistemlərində maliyyə dayanıqlığının təmin edilməsi və sosial proqramların icrası baxımından ciddi gərginliklər müşahidə olunmaqdadır: "Azərbaycanda isə vaxtında qəbul edilmiş qərarlar və reallaşdırılmış qabaqlayıcı tədbirlər sayəsində ölkəmizin pensiya sisteminin maliyyə dayanıqlığı təmin edilib. Bunun bariz nümunəsidir ki, 2003-2015-ci illərdə DSMF büdcəsinə daxil olmuş sosial sığorta haqlarının həcmi 9 dəfədən çox artıb. Eyni dövrdə əmək pensiyalarının orta aylıq məbləğinin artımı 9-15 dəfə təşkil edib".

E. Mehdiyev əlavə edib ki, bütün bunlarla yanaşı, Azərbaycanda uzun müddətli dövr üçün pensiyaçıların etibarlı sosial müdafiəsinə nail olmaq məqsədilə milli pensiya sisteminin aktuar tədqiqatlar əsasında təkmilləşdirilməsi və pensiya təminatının daim yenilənən müasir tələblərə uyğunlaşdırılması zəruridir. "Bu məqsədlə növbəti mərhələdə sığorta pensiya islahatlarının prioritet istiqamətləri Azərbaycan Prezidentinin təşkil etdiyi "2014-2020-ci illərdə Azərbaycan Respublikasında pensiya təminatı sisteminin islahatı" konsepsiyasında aydın əks olunub. Konsepsiya ilə müəyyən olunmuş əsas vəzifələrdən biri də pensiya sisteminin perspektiv inkişafının aktuar modelləşdirmə əsasında proqnozlaşdırılmasının təmin edilməsidir. Bunun üçün DSMF tərəfindən çoxşaxəli funksional fəaliyyət planına uyğun olaraq kompleks tədbirlər həyata keçirilməkdədir", - deyə qurum rəhbəri qeyd edib.Apa

Ölkə.Az