İraqda 18 türkiyəli girov azad olundu

Məlumatı terrorçular yayıb

Ölkə.Az xəbər verir ki, naməlum yaraqlılar 2 sentyabrda İraqda girov götürülən 18 Türkiyə vətəndaşını azad ediblər.

Bu barədə "Al-Arabia" telekanalı məlumat yayıb.

Bildirilir ki, bir qrup silahlı şəxs internetdə məsələ ilə bağlı videoyazı yayımlayıb. Videonun titrlərində qeyd olunub ki, girovların azad olunması Türkiyə hökumətinin onların qarşısına qoyulan tələbləri yerinə yetirməsi sayəsində mümkün olub.

"Bizimlə humanist davranıblar", - deyə girovlardan biri müsahibədə bildirib.

Bundan əvvəl İŞİD İraqda türk diplomatlarını girov götürüb. Girovlar 110 gün sonra azad ediliblər. Türkiyənin Urfa şəhərinə gətirilərək təhvil verilən diplomatların sərbəst buraxılması ətrafında müxtəlif mülahizələr səslənib.

Rəşid Mustafazadə

Ölkə.Az