Siyavuş Novruzov sərt danışdı: Müavinəti artırın, insanları narazı salmayın
“Elə ab-hava yaradırıq ki, insanlar məcbur olub Abşeron və Bakıya köçürlər. Sonra da şikayətlənirik ki, Bakıda niyə sıxlıq var. Bunun aradan qaldırılması üçün regionlaırn inkişafına diqqət yetirmək laızmdır”.
Ölkə.Az xəbər verir ki, bunu deputat Siyavuş Novruzov parlamentdə büdcə müzakirəsi zamanı deyib.
Onun sözlərinə görə, insanların regionda qalması üçün regionların inkişafına, orada yaşayanlara güzəştli ipotekalar verilməli, güzəştli mənzillər tikilməlidir.
“Biz elə etməliyik ki, ipoteka kreditləri regionlarda yaşayanlar üçün əlçatan olmalıdır. İpoteka kreditlərinin verilməsində şəhərlə rayonlar arasında ciddi fərq olmalıdır. Onlar bu əlçatanlıqdan istifadə edib özlərinə ev və ya mənzil ala bilsin. Bunun üçün regionlarda yaşayan insanlarala güzəştli ipotekalar verilməlidir. Biz təkcə dövlət qurumlarında işləyib daimi maaş alanlara yox, digər sahələrdə çalışanlara da ipoteka kreditlərini verməliyik.
Bundan əlavə güzəştli binalar təkcə Bakıda yox, daha çox regionlarda tikilməlidir. Biz güzəştli mənzilləri Bakıda tikməklə sanki məcburi şəkildə insanların paytaxta köçməsinə ab-hava yaradırıq. Bu problemlər aradan qaldırılmalıdır. Güzəştli mənzillərin çoxu regionlarda tikilməlidir”, - deputat qeyd edib.
Deputat eyni zamanda qeydiyyatsız evlər probleminin həlli istiqamətində addımlar atılmasını hökumətə təklif edib: “Prezident dəfələrlə göstəriş versə də, bu məsələ hələ də həllini tapmır. İnsanlar var ki, artıq nəvəsinin həmin evdə toyunu edir. Bu problemi BMT həll etməlidir? Bu problem həll olarsa, dövlət xeyli gəlir əldə edəcək.
Problemi həll etmək əvəzinə əlavə problemlər yaratmaqla məşğuluq. İnsanlar qeydiyyatdan çıxarılır. İnsanları ölkə narazı salırlar. Belə olmaz. Bunların qarşısı alınmalıdır”, - deputat bildirib.
Deputat həmçinin müharibə veteranlarına verilən 80 manatlıq müavinətin qaldırılmasını hökumətə təklif edib: “Biz bu müavinəti artırmalıyıq. Müavinəti artırmamaqla vətən xainlərinin əlinə hökuməti tənqid etmək üçün imkan veririk. Bu problem həllini tapsa, yaxşı olar”, - o deyib.
Mürtəza
Ölkə.Az
