Rusiyadan Ərdoğana CAVAB GƏLDİ: \"Problem yoxdur, saatlar içində...\"
Türkiyə prezidenti Rəcəb Tayyib Ərdoğanın Səudiyyə Ərəbistan səfərindən qayıtdıqdan sonra Qəzza diplomatiyası üçün dünya liderləri ilə görüşlərini davam etdirəcəyi və Rusiya prezidenti Vladimir Putinlə də görüşə biləcəyi ilə bağlı açıqlamasına Kremlin sözçüsü Dmitri Peskovdan cavab verib.
Musavat.com xəbər verir k, Peskov belə bir görüşün saatlar ərzində təyin olunduğuna diqqət çəkib.
“Belə bir görüş hələ Putinin proqramında yoxdur. Lakin Türkiyə tərəfi ilə ən yüksək səviyyədə danışıqlar saatlar ərzində verilən qərara bağlıdır. Ona görə də görüş üçün heç bir problem yoxdur və belə görüşlərin gündəliyi həmişə genişdir. Bunun səbəbi ikitərəfli münasibətlərimizin çox geniş və hərtərəfli olmasıdır”, - deyə o bildirib.