Dəriyə qulluqda xərçəngə səbəb ola biləcək səhvlər açıqlandı

Dermatoloqlar bildiriblər ki, günəş kremindən imtina etmək, qida əlavələrinin nəzarətsiz qəbulu və evdə salon kosmetik prosedurları yerinə yetirmək dermatit və dəri xərçənginə səbəb ola bilər. 

"Ölkə.az" xəbər verir ki, bu barədə "MedicalXpress" məlumat yayıb.

ABŞ-dan olan dermatoloq Sarah Mogaddam bildirib ki, bəzi insanlar internetdən verilən təlimatlara əməl edərək evdə lazer epilyasiya və mikroneedling prosedurlarını (ponksiyonlar vasitəsilə dərinin vəziyyətini yaxşılaşdıran minimal invaziv üsul) həyata keçirməyə çalışırlar. Bu, dərinin zədələnməsinə və dermatitə səbəb ola bilər. Bundan əlavə, epidermisin səthindəki mikrotraumalar, düzgün olmayan prosedur üsulları səbəbindən bakterial dəri infeksiyalarına yoluxma riskini artırır.

Digər təhlükəli səhv günəş kreminə məhəl qoymamaqdır. Günəşə məruz qalma bədxassəli melanoma və müxtəlif iltihablı dəri reaksiyalarının inkişafı üçün əsas risk faktorudur.

Həmçinin qeyd olunur ki, bir çox insanlar həkim resepti olmadan müxtəlif qida əlavələri və vitaminləri tablet şəklində qəbul edirlər. Dermatoloq Racani Katta izah edib ki, müəyyən qida əlavələrinin (pəhriz əlavələri) istifadəsi dermatit, sızanaq, xərçəng və alopesiya (patoloji saç tökülməsi) ehtimalının artmasına səbəb ola bilər.(Qaynarinfo )