İsrail vətəndaşları Ərdoğandan yardım istədi - FOTO
HƏMAS-ın əsir götürdüyü israilli girovların ailələri prezident Ərdoğana məktub yazıb.
Ölkə.Az xəbər verir ki, CNN Türk-ün əldə etdiyi və Ərdoğandan kömək istəyən məktubda aşağıdakı ifadələr yer alıb.
"Siz regionun böyük güclərindən birinin liderisiniz. Yaxın Şərqdə və müsəlman dünyasında geniş nüfuza malik bir şəxs olaraq böyük dəstək vermək üçün unikal bir mövqedə olduğunuzu düşünürük.
Oktyabrın 7-də qaçırılan və HƏMAS tərəfindən əsir götürülənlərin ailəsi olaraq görünməmiş ağrı və iztirablara səbəb olan bu böhrana humanitar müdaxilə etməyinizi istəyirik. Onların oğurlanmasından bəri biz sevdiklərimizlə əlaqə saxlaya bilmirik. Onların səhhətindən, sağ olub-olmamasından da xəbərimiz yoxdur. Biz dəhşətli ağrıların əsiriyik. Bildiyiniz kimi vaxt çox vacibdir. Bizə girovların sağ olduğuna dair hər hansı bir işarə verməyinizə ehtiyacımız var. Onların tibbi ehtiyaclarının ödənilməsinə vasitəçilik etməyinizi və dərhal azad olunmalarını xahiş edirik”.
Xatırladaq ki, 239 israilli HƏMAS-ın hərbi qanadı Qəssam Briqadalarının nəzarətindədir.
Günay