Türkiyəli məşhur vəfat etdi

Məşhur televiziya proqramçısı və aparıcısı Mətin Uca vəfat edib.

Ölkə.az Türkiyə mediasına istinadla xəbər verir ki, onun ölüm xəbərini meneceri Kübra Kalem Baykara sosial media hesabında açıqlayıb. 

“Mətin Ucamızı itirdik. Ürəyimiz ağrıyır”,- açıqlamada qeyd olunub.

Bir müddətdir ki, 62 yaşlı məşhur reanimasiyada intubasiya edilirdi.

Xatırladaq ki, Metin ötən günlərdə Kocaelində avtomobil sürərkən pisləşib və qəza keçirib.

Aparıldığı xəstəxanada boyun damarının tıxandığı məlum olduqdan sonra əməliyyat olunub. Ötən gün evə buraxılması planlaşdırılan 62 yaşlı məşhur yenidən ağırlaşıb və əməliyyata alınıb. Lakin onu xilas etmək mümkün olmayıb.

Qeyd edək ki, 3 gün əvvəl səhhəti yaxşılaşan Metin Uca instaqram hesabında pərəstişkarlarına müraciət edib.

"Salam... Tez sağalıram. Bu təbii ki, köhnə fotodur. Ən qısa zamanda birlikdə olacağıq. Doğum günümü səhnədə birlikdə qeyd edəcəyik. Gözəl ad günü mesajlarınız və xoş arzularınız üçün çox sağ olun. Sonsuz sevgilərimlə".

Günay