Bakıda bu marşrutun istiqaməti dəyişdi

53 nömrəli müntəzəm marşrutunun hərəkət sxemində dəyişiklik edilib.

Bu barədə Ölkə.az-a Azərbaycan Yerüstü Nəqliyyat Agentliyindən bildirilib. Məlumata əsasən, sərnişinlərdən daxil olan çoxsaylı müraciətlər nəzərə alınaraq, avtobuslar başlanğıc dayanacaq məntəqəsi "Elmlər Akademiyası" metrostansiyası, son daynacaq məntəqəsi isə Əhəd Yaqubov küçəsi (Bayıl) olmaqla Badamdar şosesi ilə hərəkət edəcək.

4 nömrəli müntəzəm marşrutunun istismarı isə "BakuBus" MMC-yə həvalə edilib. Həmçinin marşrutun hərəkət istiqaməti dəyişdirilərək Bakı Ağ şəhər yaşayış sahəsinə yönləndirilib.