İrəvan polisi Uels azarkeşlərini səbəbsiz saxladı, şöbədə döydü, təhqir etdi - FOTOLAR
"Dünən gecə üçümüz hotelə gec qayıdırdıq və polis maşınları düz bizə yaxınlaşdı, bizi öz maşınlarına mindirdilər, həbs etdilər və günorta saat 3.30-a qədər saxladılar"
Ölkə.Az xəbər verir ki, bunu BBC-nin İngiltərə bölməsinə danışan uelsli azarkeş Lefi Qrafad deyib.
“Bizimlə təhqiramiz rəftar etdilər: gecə nə su, nə kamera, nə də heç nə… Nə üçün həbs olunduğumuzla bağlı heç bir izahat verilmədi, durmadan suallar verdik, amma cavab olmadı. Heç yatmadıq və əsəbiləşdik. Bu, şokdur, bunu gözləmirdik, buranı bəyənmişdik. Dünən gecə barlardakı insanlardan çox razı qaldıq, orada çox yaxşı ab-hava var idi, lakin bu [saxlanma] hamımız üçün böyük şok oldu”, - Qrafad əlavə edib.
“Mən sizinlə dürüst olmalıyam. Mən hələ də baş verənlərə görə bir az üzülürəm”, – başqa bir fanat Ceralt Dafid deyib. O, bir qrup dostu ilə içki içmək üçün bara gedib. Onlar taksi gözləyərkən polisin qəfil ortaya çıxdığını əlavə edib: “Onlar çox aqressiv idilər və hamımızı qandalladılar. Əsasən bizi polis maşınının arxasına itələdilər və sonra hətta polis maşınında da olduqca zorakılıq etdilər və mən danışarkən üzümə vurdular, buna görə də bir az travmatik təcrübə oldu”.
Dafid onu da bildirib ki, İrəvan polisi 25-ə yaxın azarkeşi divara söykəyib, şəkil çəkdirib və ələ salıb.
Ermənistanda yerləşən Cənubi Uels polisindən Supt Stiv Ris deyib: “Şənbə günü səhər erkən saatlarda İrəvanda baş vermiş və 32 uelsli azarkeşin həbsi ilə nəticələnən insidentdən xəbərdarıq. Hadisəni araşdırırıq”.
