Obama Putinlə nədən danışdı?

"Əks halda İŞİD Xilafəti yaradılacaq"

Ölkə.Az xəbər verir ki, Rusiya Federasiyası xarici işlər naziri Sergey Lavrov ABŞ prezidenti Barak Obama ilə Rusiya dövlət başçısı Vladimir Putinin görüşünün təfərrüatlarını açıqlayıb.

O, bildirib ki, görüş zamanı tərəflər İŞİD terror təşkilatı ilə mübazirə məqsədilə koalisiyanın yaradılması barədə danışmayıblar.

"Onlar koalisiyanı bu sözün klassik mənasında müzakirə etməyiblər. Onlar ən ağrılı problemlərin həlli axtarışlarında ABŞ və Rusiyanın yaxın əməkdaşlıq imkanlarını müzakirə ediblər. İlk növbədə isə Suriya məsələsi. Biz razılaşdıq ki, bizim ümumi məqsədimiz İŞİD-ə qalib gəlmək və Xilafətin qurulmasının qarşısını almaqdır", - deyə Lavrov bildirib.

Lavrov hesab edir ki, Rusiya Suriyanın dağılmasına imkan verməməlidir, əks halda İŞİD Xilafəti yaradılacaq.

Rəşid Mustafazadə

Ölkə.Az